مقدمه

شعر میلَگیرد سروده شاعر توانمند جناب آقای جانباز حاج نور علی غریبی می باشد که به مراسمات و آداب و رسوم قدیم میلاجرد پرداخته است خواندن این اشعار به زبان شیرین ترکی شاید کمی سخت باشد اما آنچنان لذتی دارد که خواننده را ترغیب می کند که تا آخرین بیت شعر را با ذوق  و شوق بخواند. بی شک بزرگترها با خواندن این اشعار خاطراتشان زنده خواهد شد و بی اختیار شروع به تعریف کردن از ایام قدیم و گذشته می نمایند.

در آخر اشعار با کمک قدیمیها و خود آقای غریبی توضیحات مختصری درباره بعضی واژه ها و لغات آورده ام که احیاناً اگرکسی با این اصطلاحات آشنا نبود  با خواندن آنها اشعار را بهتر درک کند، اگر معنی کلمه ای یا مصرعی را متوجه نشدید در قسمت نظرات بیان کنید حتماً توضیح داده خواهد شد از شما عزیزان درخواست می نمایم  که از این صفحه پرینت گرفته و در اختیار کسانی که به اینترنت دسترسی ندارند قرار دهید .

ایشیدمیشیز که شهر اُلوب میلَگیرد

نعمت و ثروتدَن دولوب میلَگیرد

ایشیدمیشیز میلَگیرد بخش اولوبدور

امکانات و اداره دَن دُلوب دور

گِچن گونه یاد اِیلمَک یاخچی دور

غمگین لَری شاد ایلمَک یاخچی دور

یادَ سالاک قدیمکی زَحمَت لره

تا دُوشونَک بُوگونکی نعمت لَره

یادیزدادور آرخ آتماگا گِدَردیز

اَشَگینَن بیر،بیر کدَّن چیخَردیز

آرخی آتوب دیزآبادا چاتاردیز

َمنزل توتوب دیزآبادّا یاتاردیز

آرخیز ، بَندیز نِچَه گون طول چَکَردی

نِچَه بادمان هر کس بُقدا اَکردی

سیزین هَله بندَه گِدمَک یادیزدا

مَنزل لَردَه دِییب گولمَک یادیزدا

دِهنوّدا و گوُشیرواندا قالماگیز

پول یقمَگ و قند و چایی آلماگیز

بیر مَقسَم چه بیر پاکاریز واریده

وسیله خَبر وِرمَک جاریده

یادیزدادور سیزین نایُب چارتاقه

او قَدیمنَن قالان سپهدار باغه

یادیزدادور ایدَله نی بولاغه

دِیم اَکنّر و چاناخله داغه

قدیمکه لر؟ بورّا گِدمَک یادیزدا

اُوز بوقدایییز وُروب تُوکمَک یادیزدا

اُوجارلاریزی کُلّاردیز یادیزدا

اُوز خرمَنیز اُقولّاردیز یادیزدا

قدیمکه لر قَید چیلر یادیزدا

سیقیرلریز،نَخیرچیلر یادیزدا

یادیزدادور شیرین بیان دَرَردیز

حَیَط لردَه تمام پِهن سَرَردیز

یادیزدادور قوُورمالار کوزَسی

کورپَه گلندَه قوزیلارین سَسی

یادیزدادور،واراداشلار واراسی

قُیونلارین شَکریسه ، قاراسی

یادیزدادور چشمه سویه گَتیرمَک

دُورد کوزه و اشک خُورجون گَتیرمَک

قیش گونِی و تنورلارین قارَسی

کُرسی لرو یُرقالارین پارَسی

قارا اُولَرپالچوقوینان آقاردماک

کوچه لردَه پالچوق ایچینده باتماک

یادیزدادور بیر دشت بان واریده

اُوت دَرَنلَر اَلِندَن بیزاریده

یادیزدادور امنیَلرِ وُرماک

شاه زمانه دولت اوُزونَّ دورماک

یادیزدادور سیزین بیرام گِجَسی

جوانلارو امامزاده کوچَسی

بیرامیده سیل اُولَریزی ییخده

یاریگِجَه خَلقین هَواری چیخده

یادیزدادور سیزین بیرام فتیره

منقَلَر اوسُنَه قوری کیتیره

یادیزدادور شال پاجادان سالّاماک

او شالّارا بیر بش قیران باقلاماک

بیرام گونه دسته دسته قوناخلار

کیشه لر و آروادلار و اوشاخلار

مبارک اُلسون بیرامیز دینلَر

سفره باشوندا اُتوروب ییَنلَر

بیر قیرمیزه نُمورتانه آلانار

چیخیب گَنه آیره قاپون چالانلار

سیزده بدر گونی باغلار یادیزدا

یونجالوغلار،چُلَّر،داغلار یادیزدا

یِلمیگینَن یونجا تُرشی ییَندَه

گَلی نُمورتا اوینیاک دییَندَه

اُوت اُسونه بیر نُمورتا قویاندا

هر کس اُزِی بیر نُمورتا سویاندا

بیر نَفَر که مُحکم نُمورتا گَتدِی

نِچَه نفر نُمورتاسونی اُوتدی

یادیزدادور سیزین چلَّه گِجَسه

هر فامیلی جوانی و قوجاسه

قوجا کیشه تاپوپ بیر زاد دیَردی

اوشاخلاردا غیلَّه تُرشون ییَردی

یادیزدادور سیزین قربان گِجَسی

قیزلَریزی مُنجوقسالان کوزه سی

قربان لُقا قربان قوچی دیَردیک

اُلدورَردیک ، داغُداردیک ، ییَردیک

خوشیدولار قربان توتان جوانلار

پای آلماگا ، قاپُلاری چالانلار

سقرلریز اُقولییان کیمیده

اوجار لاریزه اُتلیان کیمیده

قالاتپه نَه زَماندان قالُب دور

او قالانی هانی کیشه سالُب دور

کیم سالُب دور او تپه ده قالانی

کیم قازوب دور او خندق چالانی

بالاخره او تَپَنی کیم یخیب

ایندیه جَک اُردان نَمَلَر چیخیب

سیزین هله کتیل چیلر یادیزدا

چیل کانالار اکنچیلَر یادیزدا

کَالش و جیرایقابه یادیزدا

زیر سار تَنَف اوراق قابه یادیزدا

یادیزدادور سیزین طلوغ چاخلاماک

ساری یاقه دولاوچادا  ساخلاماک

نهاردا اِیرانچُرَکی یینَلَر

ایش وقتِنده کُراوغلُدان دیَنلَر

یادیزدادور او زَحمَتکش آروادلار

اَلَّرینَه ، دُبّان لارینا چاتلار

کلَّسِنَه هر کس بیر تَشت آلوردی

بیر اُوشاقُندا یانونا سالوردی

پالتار یوماگا توتلیَ گِدَردِی

پالتارلارون یُووب سویا چَکَردی

تویلار گنونده خوشلوکلار یادیزدا

ساز و دُگُل ، چُگول چیلار یادیزدا

یادیزدادور سیزین گَلین گَتیرمَک

آت اُوسونده گلین گوزگه گوترمَک

آتدان انَنَده آق چادرلی گلین

قُربان لوق و اوزَلِگین مَنقَلین

گلین گلَندَه بَگ داما چیخَردی

بیر آلمانه اَل ایچیندَه سیخَردی

یاق و شیره بارماغینان داداردِه

بیر آلمانه دیشلیبُ آتارده

یادیزدادور گَلین باشون اَگَرده

آلما و نار خَلق باشونا دَگَرده

بَگ بیر کاسه کشمش و پول قاتارده

گلین گلیب آستانَیَه چاتارده

بَگ گلینَ کشمش و پول آتارده

بعض اوشاخدا اِیکی قیران تاپارده

یادیزدادور جوت سُرمَکدَن گلَنّلر

بیوک کُرپی دیبیندَه سو بُولَنلَر

یادیزدادور کشکَلَ و شور باغلار

کوچه لَریندَه اُت دَرَن اوشاخلار

یادیزدادور سیزین اوزوم دَرَنلَر

اوزوملَری باغ کوزونده سَرَنلَر

خَرمَن جَده بش اوز خرمن اُلوردی

ارباب حَقّین خَرمَن جَدَه بُولَردی

چوبانلار و حمام چیلار گلَرده

هر کس اوزه اوز حقن بیلَرده

طلب کارلار طلب لَرین آلورده

خرمن صاحابونا نَمَه قالورده

پاییز گونه بُووسله قوز ساتاندا

مشتری لَر بیربیر دالِه چاتاندا

قوز وِریب وآرپا کشمش آلُرده

بیر اُودَدَ او گِجَنه قالورده

یادیزدادور کوزه ساتان گَلَرده

هوی کوزه ،هوی اوخُرا سَسلَنَردِه

نِچَه وَقتدَن چینی بَنزَن گلَرده

چینی لَره بَس وُرورده دَلَرده

یادیزدادور کُرپَلَرِی چَکَندَه

حیوانلارین زَخمینه دوزتوکندَه

یادیزدادور سیزین قدیم حَمام لار

حَمام چُلار او زحمتکَش آداملار

بوته گَتیرمَک و حمام یانورماک

حمام سویون دُلچاینان چاتدورماک

سیزین اُو ایسه خَزنَلَر یادیزدا

خَزنه دیبینده پله لَر یادیزدا

اُو غِیرَتلِه مسلمانلار یادیزدا

حلال چُرَک چاقاردانلار یادیزدا

اروج لوغدا بوقدا دَرمَک یادیزدا

خَرمَنجَدَه زکات وِرمَک یادیزدا

یادیزدادور نهرپشته بکاره

قطار کیمین گلیرده بوقدا ساره

گَلیی گَنه بیر بیر اَلین یاپوشاک

اَرگِه اُتوراک امّا دوز دانوشاک

یادیزدادور سیزین آتتولما گِشمَک

کشکَدَن قوزانوب اویاندا دوشمَک

جوانلار که قالا قالا اوینارده

بیر نَفَردَه اُو قالانه کُولارده

یادیزدادور جوفتلَرِه قورانلار

سَقَیینَن آشوقلاره وُرانلار

اوشخلار که آشوقلاره وُرورده

کیشِلَردَه گون آلونا دورورده

هر کس دالونا کوله جَه سالورده

بیجه تسبیح دَه اَلینَه آلوردِه

یادیزدادور قدیم اُولَر صفاصه

کیشه لرین غیرتی و وفاسه

یادیزدادور اُو مهربان آروادلار

زحمتکش و خمیر یاپان آروادلار

اُو وقتی که آرواد قالی توخورده

اوشاقونا لای،لای،لای،لای اوخورده

جُو آشی ُ سوت ترخَنه ییَنلَر

اوشاخلارا شیرین مَتل دینلَر

یادیزدادور سیزین شیره بیشیرمَک

چیمیرلَنیب اُزوم ایچینه گیرمَک

شیره بیشیرمَک و اَجَل گَتیرمَک

چلاویستن دوله قازان گُتورمَک

دیَک بولاره اوشاخلار بیلسین لَر

قوجالاردا ایشیدسین لر گُلسون لَر

ارباب زَمانه سخت لیکلَر یادیزدا

گوُج دیمَگ و بدبَخت لیکلَر یادیزدا

یادیزدادور بوقدا دَجین مُهرلَمَک

اُو دَج لَره نِچَه گِجَه گوزلَمَک

یادیزدادور سیزین هَله پیس ایلَّر

داوار و مال آج قالماک قوره چُل لَر

بادمانه بش تومن یاددا قالبدور

خلق جانونا او ایل قورخِه سالوبدور

بارا بوقدا اَکمک سیزین یادیزدا

یونجا ریشه سوکمَک سیزین یادیزدا

یادیزدادور تازه یونجا گتیرمَک

چوخ سُوِنمَک اوماج آشِ بیشیرمَک

مورچالوق و گُبَلَگَ گِدَنلر

قازیاقی و جیب یونجاسه دَرَنلَر

عطارلارا بیجَه نومورتا وِرمَک

سَقِزینَن آقاج نوقول گتورمَک

شَلتَه گیرَن قوج آروادلار یادیزدا

یونگ اَگیرَن قوج آروادلار یادیزدا

یادیزدادور سیزین توتون کیسه سِه

چبیق چَکَنلَرین توتولموش سَسِه

قوجا کیشه لَر کوچه دَه دوراندا

چبیق لَرین اُتلیوب موک وُوراندا

آرا چمَن ، محمود آرخِه یادیزدا

بویوک آرخ وحمام آرخه یادیزدا

یادیزدادور سیزین سقیر گودارِه

سو ایچَردِه اوردا سوره داواره

باغلارین کوچَسی یوله یادیزدا

ایدَه آقاجلاری گولِه یادیزدا

آرخلاریندا تازه یارپوز اولورده

یارپوز اینسه کوچَلَره دُلورده

یادیزدادور شور دَرَنی شورلاره

قوجاباشه دَرَنلرین تورلاره

وَرَک قوجاقی و یاناقلار ساره

چای چولنده سیچان قولاقی  ساره

یای گونونین ایسیسی و داغ چوله

قوره چای دیبی و سولوکلی یوله

بیر اشَّکلی عطار یولدان گِچیده

آسماندا بیجَه لَش خور اوچیدِه

سَنگداق اُوچون چوبان داوار ساقیدِه

قویونارین سوته تمام یاغیده

گون آلوندا دیم دَرَن اوخیدِه

زحمت چَکَنلرین غَمه یوخیده

بهار گونه چولدَه یاقوش یاقاندا

اوشاخلاردا آسمانا باخاندا

بیر یانی گون بیر یان بُلوت اُلورده

چالالاردا یاقوش سویه دُلورده

آسمانا رنگین کمان گلَندَه

اوشاخلاردا اونا باخوب گولَندَه

دِییردیلَر قَرِّه جِجیم چَکیبده

خوش حالونا هر کس دیم اَکیبدِه

بهار گونی و باغلارین کوچه سی

اِیسبار وُرانلارین گَلَردِه سَسِی

بعض آداملار اُخوردی و ایشلَرده

بعضی حیرصدَن داداقونه دیشلَردِه

بابا بوک که آقاشلاردا اوخیده

هر کَس بِلین مُحکَم یِرَه سوخیده

گله مَردلَر توربا اوتونا گِدَندَه

بیر توربا اُت دَریب کندَه گلَندَه

بیر اوراقچا یا گورزینگِه اُلورده

اَلِه تمام تیکانلاردان دُلوردِه

هر ایل یایدا کَندَه غُربَت گَلَردِه

قبرستانلار گوشاسوندا قالوردِه

آروادلارِه کم و غَلبیر ساتارده

کیشه لَرِه چادورلاردا یاتاردِه

نِچَه مَکتَب بیر مَدرسه واریدِه

قیزلَر اوچون دَرس اُخوماک آریدِه

مدرسه دَه میز و کلاس واریدِه

مَکتَب لَردَه کهنه پالاس واریدِه

مَکتَبلَردَن قرآن سَسه گلَلردِه

مکتبی لَر تِز با سواد اُلوردِه

اوخیاندا اوشاخ وَیلٌ لِکُلِ

دِییر دیلَر قارا تُووق ،کُوکُلِّه

نَخیر چیلَر دَگَنَگی یادیزدا

چوبان لارین کَپَنَگِی یادیزدا

چَرخِ دُولّار و قوییه لار یادیزدا

بَد مَزَه و خَرَّه سولار یادیزدا

همَداندان نفت گتِرمَک یادیزدا

موشه چراغین گتورمَک یادیزدا

بزازلارین بِز ساتماگِه یادیزدا

حلّاج لارین پَم آتماگه یادیزدا

کولَ بیل و اَجَل دَرمَک یادیزدا

کوله جَنهِ تَرسَه گیرمَک یادیزدا

پاییز گونی وباغلارین یایماگه

اوشاخلارین تِز تِز داوار سایماگه

اوشاخلار که قوچ داوایا سالورده

هر کس اوزه اوز یِرندَه قالوردِه

هر قوچ اوزه بیر طَرَفدَه دوروردِه

میدان چَکیب بیر بیرینِه وُروردِه

باغلار کوچه سیندَه ایدَه چوخیدِه

ایدَه دَرَن ،ایدَه ییَن یوخیدِه

گِجه سویه آخر پاییز یادیزدا

دسته چراغ و توربایوز یادیزدا

بوز گِجَدَه بوز سو ایچینهَ گیرمَک

ناچار لوکدان اِیت حمامه قَییرمَک

یادیزدادور قیش گونه قار یاقیده

کورسیلَرین تَنورلَری داغیده

بیر نفردَه دامونّا قار کوریده

قونشوسینین دا اِیتلَره هوریردِه

بیر نفر دَه خلقین یُلون آچیدِه

بالا اوشاخلار قار ایچیندَه قاچیدِه

اوشاخلار که یخیلیدِه دوریده

بیر بیرینِه قار توپاسه وُریدِه

قار گَلَردِه دام و داشه آلورده

نه وَقتَه جَک یول لار باغلِه قالورده

اوجلِه بیل و پاشنِه گرلَر یادیزدا

دوره گیر و چلینگرلَر یادیزدا

چلینگر که خلقدَن سانسورَل آلوردِه

اوراقچا و اَرسین و سیخ چالورده

یادیزدادور چاقّالایا گِدَنلَر

آقاجلارین اَزگَسین سینیرَن لَر

اوشاخلار که قوش نانایا باخاردِه

هر دَلیگه اوشاخ اَلین سوخارده

یادیزدادور زنبور نانا قوردلاماک

زنبور لارین ناناسونه اُتلاماک

زنبورلار که اوشاخلاره سانجارده

اوشاخلاردا جیقیریردِه قاچاردِه

تِزدَنیده قصاب داوار اُلدوردِه

سویده اَتین ، خورد اِلَدِه بُلدوردِه

تکه تکه قصاب اَتِه ساتیدِه

لیمیلّادوب تارازویا آتیدِه

گلیب گِدَن "تیغین بُرّان" دییدِه

پیشیک لَردَه آشغال لاره ییدِه

یادیزدادور لامپالار و گرسوزلار

سَقسی دوزدانلارینان لَطّه دوزلار

دَمیردَن چُمچَه و سَقسی چاناقلار

اُوجا اُولَر اووینگ آسان اطاق لار

ساجاقلارو قازان چالار یادیزدا

جووالارینان تایچالار یادیزدا

نِچَه تووق بیجَه خروس ساخلاردوک

حَیاط گوشَه سینَه اینَک باقلاردوک

حَیَطلَردَه داوالوقلار یادیزدا

اُدونوقلار ، سامانلوقلار یادیزدا

یادیزدادور کندولارین بوقداسه

یادیزدادور لباسلارین بوقچاسه

یادیزدادور گلینلَرین یَخدانه

یادیزدادور چُورکلَرین ناندانه

کوچَه لَردَه چال اوجالار یادیزدا

سَکولَردَه او قوجالار یادیزدا

اوغلانلارین فرفرسِه یادیزدا

لایون لاره قِرقِرسِه یادیزدا

آخشام سورِه داوارلارِه گلیردِه

کوچه لَرَه توزو تورپاخ دولورده

اوشاخلاردا بیر بیر دالِه قاچاردِه

حَیَتلَرین دَروازاسون آچاردِه

چوبان گَلیب اوو قاپوسون چالاردِه

اُووین صاحابوندان خبر آلارده

بو حیاطا غَریب داوار گَلمییب

بیجَّه قویون غریب گِدیب بیلمییب

بیجَّه دانا قارا قویون ایتیبدِه

هیچ بیلمریک هانّه حیطا گِدیبدِه

بیر یُرولموش کیشه سامان چَکیدِه

خَرمَنَّن سامانه اُووه تُوکیدِه

بیجَّه آرواد بیردَن  بیرحَیَطدَن چیخدِه

اَشَّگ هورکدِه سامان تورونِه ییخدِه

حیوان اَشَّگی ، اُو کیشِی دوگیدِه

آرواد صاحابین دَدَسین سوگیدِه

ساق اُلسونلار اُو زَحمَتکَش رَیَت لَر

آباد اُلسون بُیوک ، بُیوک حَیَتلَر

ساره داغدان قارا چایا چول لَریز

روزی کیلیدِدی سیزین بِل لَریز

حلال چورَک ییَن جانیز ساق اولسون

هر ایکه دونیادا اُزیز آق اولسون